GLClawnotes

  معروف مذہبی اسکالر اور مبلغ انجینئر محمد علی مرزا قاتلانہ حملے میں بال بال بچ گئے۔ ذرائع کے مطابق انجینئر محمد علی مرزا پر قاتلانہ حملہ ہوا ہے تاہم وہ اس میں محفوظ رہے۔، اس حوالے سے مزید معلومات حاصل کی جارہی ہیں۔ واضح رہے کہ انجینئر محمد مرزا کا شمار ان علمائے کرام میں ہوتا ہے جو فرقہ واریت کے سخت نقاد ہیں، انہوں نے ہمیشہ اپنے خطابات اور درسوں میں فرقہ واریت ختم کرنے کی بات کی ہے۔ انجینئر محمد علی مرزا کو قرآن و حدیث کے علم پر عبور حاصل ہے، جبکہ وہ جہلم میں ایک ریسرچ اکیڈمی چلاتے ہیں جہاں وہ دینی تعلیم دیتے ہیں۔ جبکہ دین اسلام کے بارے میں اپنے خیالات کا اظہار کرنے پر انہیں مختلف فرقوں اور اسکالروں کی تنقید کا بھی سامنا کرنا پڑتا ہے۔ انجینئر محمد علی مرزاا وزارت دفاع میں گریڈ 19 کے سرکاری افسر اور پیشے کے لحاظ سے مکینیکل انجینئر بھی ہیں۔